星期一及二上了兩晚課,昨天上午打算十時後才上班,結果交通不便,上不了班,呆在家中,不停追看電視上金鐘的景況,看到一肚氣。 今日,豁然開朗,昨呆坐家中一天,所以早上六時即去亞伯茶居飲早茶,聽亞伯的維園式論政,結果大部份都係兩邊都鬧,學生唔啱,因為話唔關佢地事喎,奶媽唔啱,因為無能喎,總之就左鬧右鬧,聽完得啖笑。 很多人唔明呢劑點解搞成咁,咩葫蘆賣咩藥,看官一定係無睇雍正大戰「八爺黨」了,算喇,政治野不要在此講了。 講番大市,周一估反彈,亦身體力行又揸牛証,又揸期指,由於有槓桿,不想大加exposure,所以減持個股,致使exposure雖然大了,但投入總金額反而細左,咁大家見昨日港股大跌六百點,一定猜想士佳呢鑊杰,唉,我癲啫,不是傻的,昨日未開市,打開電視都聞到火藥味,我開市已同學生分享,將港期換美期,結果港期大跌,美期只少跌,幫我慳番八成跌幅,尾段,嘗試圖換港期,但彈都彈唔起,換唔落手,等今日先換番,慳番好多了。 大市跌,係照妖鏡,大股強弱無所遁形,如果單看昨日,就當然十有九跌,但只要將昨日收市對比星期一大升後的收市,還能保有升幅的(綠色),最近都算強勢,總之不是紅色,已算利害了。 |
張士佳FB專頁
焦點回顧:
六月 2024
|