市場人士好得意,經常將一些公眾人物定性為好友或淡友,其實好友少有長好,淡友亦不一定長淡。近來,我應該被定性為好友,但其實四月初我才沽過;當時估計大市回落50天線機會大,但有些朋友可能冇睇,就以為我係長好之輩。不過,話分兩頭,我近日骨子裏也真有好友元素,就算上週五看到所謂v彈是假象,都係沽一兩天。當價格跌回27900以下,我都是買股多。買什麼股?一定係中美貿易免疫股,我經常留意的,甚至在電視節目有提及的,有香港奶,肉肉,杯麵、拉麵、外賣仔、物管等,近日這些板塊都相對硬淨。
有朋友問仲追唔追得,咁貿易戰又未完,經常失驚冇神拖些股下去,何必硬要高追等回落買是王道。哪怕是屋村收租佬,創完新高,也是等回落,悶番10日八日再買先着數,我記得除了上述,還有另一板塊時常跟學生分享,近日卻忘記在電視上提及愛股多年,上一輪創完新高後,我說暫時放放,博走位,等大市回落五十天再算,現在回落了,唔知大家有冇留意。這隻地產龍頭,當然同香港樓市走勢息息相關,唔少人希望這次貿易戰可以拖低香港樓價,我想講這兩年唔使諗, 反而因加不到息, 更硬淨, 你睇「屋邨收租佬」破頂就知這隻地產股一系, 我大部分都鐘意, 博掌門人退休前重組雙重因素更抵博,每次大跌市,佢都同我共渡時艱,上番黎,如果整多日高收陽,我又會再故技重施再上車了。 |
張士佳FB專頁
焦點回顧:
六月 2024
|