上篇星期一寫如收穿,會考慮沽空,大家見大市下跌,一定估我話沽空左,認C認P,有做就寫有做,無做就寫無做,不能亂認。
我這兩天都無長期性的淡倉,即日鮮就揸沽都有,仲要係揸多於沽,火中取栗,在市場極絕望時買入,在局勢稍緩時沽出獲利便算。星期一跌到287XX,反而揸,緣何夠膽?2009年牛市回調,約2000點才回升,2012年及2016年都差不多,但星期一一天已1200點,有點過份,所以衝入去博大霧,結果星期二已大部份袋袋平安,獲利收場。 目前我在等時機成熟再加注入市,但今天則會減持為主,大家以為我等明天中午中美談判結果,唔好意思,我對中美國策的研究,只限於美劇「紙牌屋」的水平,但我唔相信明天即加25%關稅。 很多網友都用「復聯」的滅霸形容侵侵,看似惡作劇,但其實頗為貼切。加征25%關稅,如同滅霸的響指動作,對廠家是生靈塗炭,灰飛煙滅之舉,我唔相信,特朗普會在連任前出此動作,滅霸當然要擁有時間,空間幾粒寶石才可以咁做,所以,我覺得未係時候,就算係加,都仲係假加,例如有條件式的,或非常局限的,不是全面加。 那我為什麼減?因為大家驚,所以我先減,係由於我驚大家驚,到明天開估前,我會加番,當然以Call為主。因為我的估是小學雞級數,估錯機會奇高,估錯輸Call,不致灰飛煙滅,只限蝕了期權金,博估中,純是老襯當旺。「復聯」劇透會比人打,唔知「歐聯」會唔會,呢兩晚有睇波的朋友,都知道什麼事都可以發生,世事如棋局局新。 |
張士佳FB專頁
焦點回顧:
六月 2024
|